Tiffany & Cloud (麗江 婚紗攝影．Apr 2015)
麗江 Pre-wedding 兩天拍攝
到麗江拍婚照過左兩個月左右，相都睇過喇～影得好靚，感覺好開心～感謝各工作人員的努力。話說今次去麗江真係驚險，當我同未婚妻與及兩位朋友去到機場既時候，發現其中三個人既機票出左事。。。！但係我地行程好緊迫。。。下晝機夜晚到，到步都應該十一點，仲要同攝影團隊開會，第二朝即刻影／０＼無奈之際先打去同返香港呢邊講返我地影況，問如果遲左到咁仲有無得補返影。。。但因為我地係復活節期。。。所以都full晒無得改後一日，但係呢，都仍然可以將原定係朝早至下晝既行程改為下晝至夜晚，都可以計返足時間比我地～聽到有呢個backup plan既時候心都定左Ｄ。。。最後我地四個人順利夜晚去到，但當中兩件行李要遲一日先有。。。但因為航班delay，所以去到都好夜喇。。。唔記得左要搵返攝影團隊就訓左 ~0~””
攝影團隊佢地真係好體貼，原先我地係第一日朝早要上玉龍雪山，要早Ｄ起身，但佢地見我地咁夜先到，就將第二日既行程調左去第一日，相對無咁chur～又比我地訓晏Ｄ～～（好感謝佢地呢個安排，因為去到第二日真係覺得第二日既行程對我地黎講chur好多^^””）無論係開會、化妝、食飯、拍攝、交通，整個行程既安排都好滿意。大家相處融洽，有時仲有講有笑 XD～～
特別又諗起另一個攝影團隊體貼既畫面：第一日影相既時候，我未婚妻有時都會覺得有Ｄ凍（我地兩個都唔係好受得凍），攝影師就時不時講驚我地聽日上雪山會捱唔住／。＼＂到左第二日上到雪山，咁岩個日又大風，真係凍到兩個都不斷震，攝影團隊見到都覺得我地凍，擔心我地捱唔住，所以都好有效率好快手，影相期間有Ｄ停頓時間又即刻比褸我地著住，再影既時候又會鼓勵我地捱埋佢～又會話Ｄ相靚～雖然我地個身係震緊，但佢地既協助同鼓勵令我地可以順利完成雪山上既拍攝，真係感謝佢地!
返到香港還衫、揀相，安排同服務都好滿意，特別係佢地知道我地婚期比較近，程序處理執相都好有效率。所以今次pre-wedding整體都好滿意!! =D=D=D
(感謝 Tiffany & Cloud 與我們分享動人的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
