Joanna & Nash (九寨溝 婚紗攝影．October 2011)

Pre-wedding去邊度影呢？諗左好耐，又甘啱見到人地九寨溝d婚照好靚，真係好有衝動去九寨溝影相！！！ 一search之下，原來都有好多間婚照公司有做九寨溝既package：内地公司真係好平，但始終“山高皇帝遠”，怕影完之後難追成品，狠心之下剔出考慮之列。而香港公司個價錢就貴好多，但直覺上應該好d，而且見過d 相既風格都幾好，一世人一次，選間好d啦！ 最後決定join Fei wedding九寨溝2日既package，可以在香港選衫，免得出發後才到内地選衫額外附送“驚喜”。

為左影到九寨溝既紅葉景，我地10月中下旬出發影相，出發前整手甲、做color…好多野搞，好忙呀 ><

到達九寨溝後，立即約攝影師同化妝師到酒店見下面，傾下照片風格同化妝造型，同時亦show埋d衫和便服，約好化妝時間！(呢度，真係要讚下個化妝師，拍攝2日都好準時甘到達酒店幫我搞化妝set頭，個妝仲要整得超靚，又好好心機甘幫我set好個髮型，比香港好多化妝師手勢還要好,“LIKE”呀！)

言歸正傳，其實拍攝果2日都唔係好夠陽光，尤其係第1日勁大霧，好靠打光和攝影師既功力~ 好彩最終都冇令我地失望，仲影左好多靚相，睇得出攝影師好有熱誠，對取景仲好有堅持添！影相其間，攝影師要求我上去一棵擬似枯乾既樹拍照… 助手先爬上樹，從樹上拉我上去，樹下由未來老公同攝影師抬我上樹… 搞得甘辛苦，d相拍出來既效果出乎意料的好，加上背景有d霧，朦朧間有d山景，真係別有一番味道~（又要俾多個“LIKE”呀！）

第2日去溝内，除左我地之外，還有另外4對新人在溝内拍照！在拍照期間發生左d小插曲，可能其他到九寨溝影相既新人都遇過 ：有好多攝影師以外既閃光燈不停在閃，而我地更在不知不覺下成爲左五花海既其中一個景點，又有d遊人在攝影師“空檔”期間前來要求同我地合照，好似明星甘，超搞笑！！

雖然溝内景色好靚，但就沒有紅葉，對我來說有點可惜… 攝影師知道我地想拍紅葉景後，好細心甘在路邊搵到幾棵連在一起既紅葉樹拍照，實在太好了！拍完紅葉景後，攝影師話要拍番d動感照，於是我地在路邊手拖手向前緩跑，攝影師就慢慢向後退…為左呢個shot，我地來來回回在路邊重覆跑左十多次，成身暖曬！d相影出黎又真係好有動感wor，同企定定預先擺好post既相又唔同feel ~

成個拍攝過程都真係好開心，攝影師又好，化妝師易容技術一流。不過如果可以再取多d唔同既景，再影多d相就更加好，消費者就梗係想要多d架啦！！哈哈~

整番張九寨溝靚相同大家分享下啦，好sweet呀^^

(感謝  Joanna & Nash  與我們分享美麗的婚照)

更多麗江作品請往：http://feiwedding.com/fei-gallery/LiJiang

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk