Christine & Kim (麗江 婚紗攝影．March 2012)

剛剛收到修改後的相簿排版, 非常滿意, 果然無選錯你地做我地嘅pre-wedding 公司. 諗返最初選fei wedding 原因係因為網上嘅comment; 由於之前去過一次expo 打算搵pre-wedding 公司, 但花多眼亂唔知點簡, 最後決定上網搵. 我地好早就決定左pre-wedding嘅地點 “麗江”, 係有方向嘅情況下就上網搵資料. 經過一輪係esd life搜尋後, 就膽粗粗簡左fei wedding (好多人都like 你地嘅服務).

去到門市時, 見到間鋪 “咁細嘅” (開頭有啲驚), 入到去sales 姐姐首先好詳細介紹麗江有咩景點影相靚, 開頭我地打算四月尾去影相(諗住淡季平啲), 但呀sales姐姐知道我地想影雪山景之後, 就建議我地提早行程, 三月好出發, 因為四月雪山開始溶雪, 影出黎唔靚同無野睇(的確依家影出黎嘅雪山相好靚), 之後呀sales姐姐又提我地如果真係去, 記住食”紅景天”可以防高山反應, 最後當然係講package包咩啦, 講完之後呀sales姐姐就叫我地可以返去考慮下唔需要急住立即決定(依個都係我簡你地嘅原因, 有啲公司成日迫人今日決定會平啲同送多啲野), 我地返去考慮左唔夠兩日就簡左你地~~

到簡衫喇, 原來係去另一個地方嘅, 係一個樓上鋪studio (嘩,大好多~)裡面嘅衫都多款, 一般簡衫試衫程序, 我地試完又試你地都無黑面, 讚~~ 搞完一大輪到攞衫個日, 你地都好細心每件同我地再試一次, 又逐套配飾物, 讚讚~~ 到影完哂相還衫俾你地, 開頭我有啲驚, 因為啲衫有啲污穢, 驚俾你地屈什麼什麼洗衫費, 但你地收衫時只係睇一睇無穿無欄就可以(幾驚你地會驗屍咁驗), 仲話衫你地自己會攞去洗, 唔駛我地膽心, 讚讚讚~~

到去麗江影相喇, 第一日晚就同攝影師同化妝開會佢地好似心急過我地, 好想知道我地想要影咩style, 又係咁追問我地想化咩妝(其實我地早到左一日, 後日先影相, 聽日講都得嘅~~)可能佢地想早啲準備掛. 到影相個日, 攝影師不斷教我地擺post(唔知點解我覺得好好笑, 但佢又真係好認真喎) 上到雪山, 我地兩個好似蝸牛禁慢先無高山反應, 但攝影師就一支箭衝左上去搵位影相, 真係驚佢有事. 攝影師要求都幾高, 成日比佢話我地post擺得唔好同合埋左眼(真係好曬丫馬), 有時影得唔合佢意, 佢會黑面(藝術家~~) 助理就係我地嘅和事佬(因為佢識廣東話) 全程佢都做我地嘅翻譯(我地普通話得半桶水炸) 成個旅程都好開心好舒服, 仲有最緊要就係你地安排嘅客棧有免費wifi, 依個真係不得了, 當然房間都好正.

總括今次成個pre-wedding 都好滿意, 無論香港定麗江, 依家好期待相簿同油畫嘅成品, 希望快啲有啦~~

(感謝  Christine & Kim  與我們分享美麗的婚照)

更多麗江作品請往：http://feiwedding.com/fei-gallery/LiJiang

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk