Emily & Dee (麗江 婚紗攝影．March 2012)

今日係喺麗江影相後返黎一個月，終於可以去揀相喇，心情又興奮又緊張，因為擔心相片o既效果！我同女朋友絶對唔係質疑攝影師影相o既質素，而係我哋自知表現欠佳，哈哈！辛苦你哋喇！

當哋o既攝影師同化妝師相當專業，助理亦十分幫忙！多謝你地阿！冇咗你哋，我同女朋友都唔知點算，特別係喺雪山上面，又大風，又大雪！真係凍到不得了！你哋o既體貼，為我哋送上無限o既溫暖，我哋完全感受到！

攝影師，你瞓晒身幫我哋影相，又爬上又爬落，實在驚險萬分！化妝師，我女朋友係一個完美主意者，你照顧得佢咁周到，真係好感激你！極力推介兩位比各位網友！

講返我哋啲相，一個字: 讚！無論喺邊一個境點，邊一個角度，邊一個天氣情況下都影得同樣出色！呢一切全靠FEI WEDDING各個工作人員o既專業同用心o既安排先至可以做得到！

除咗包括麗江當地o既工作人員外，仲要多謝出發前幫我哋安排行程o既阿KATE，揀衫試衫o既EUNICE，同埋今日協助我哋揀相o既阿如！當然如果唔係化妝師當日喺會展咁落力推薦，我哋都唔會見到今日咁靚o既相啦！真係冇介紹錯！

(感謝  Emily & Dee  與我們分享美麗的婚照)

更多麗江作品請往：http://feiwedding.com/fei-gallery/LiJiang

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk