Wengs & Felix (香港 婚紗攝影．March 2016)
鋪頭入面d工作人員都好有禮貌，幫我地選相同最後填表果兩個女仔好幫手，第一次選相好多野都唔明又問左好多問題，但佢地都好細心咁聽我講野，仲差d阻住人收工。
我好鍾意幫我化妝的化妝師 要特別多謝多謝多謝佢！岩岩入到去化妝果時其實都幾緊張，因為第一次影婚紗相。但化妝師見到我地就笑得好開心咁同我地傾計，仲話整左個花環比我用，我聽到之後超開心！（影婚紗相前幾日我打去鋪頭問有無花環提供，佢地話無，有小小失望，但自己又係突然想要又買唔切所以就算了。但影相果日竟然變左個花環出黎比我！真係超級感動！）係化妝師同我化妝期間佢同我傾計之餘又講解下而家化緊乜野，點解要咁化，不知不覺間我的緊張感已經無晒，而且佢成日都照顧得我好好，果日好凉，一影完相化妝師就會即刻拎件衫比我著，仲會照顧埋我男友，幫佢set左個頭之後，影相期間見佢亂左又會即刻幫佢整返，全程都好開心因為有化妝師陪住我。
仲要多謝攝影師同助手，攝影師影相捉角度真係超級靚，果日係赤柱海灘影相，去到一棵樹下面影左一陣，棵樹無花無葉係我角度係無咩好影，但攝影師影完出黎比我地睇返張相出黎係好有感覺，仲好浪漫。係山頂果時因為太多人，我地去左一棵有粉紅色花花ge樹下面影，影完出黎張相好似係台灣影果d景咁好靚，不過佢真實位置只係一小個唔起眼ge地方，攝影師就好似無時無刻都搵緊最好ge角度幫我地影相咁，感激！
最後就講返當時係婚展見到店員show比我地睇ge一輯video,睇完我只眼「丁」左一聲二話不說掟左幾千蚊出黎拍一輯！果時幫我地拍片ge文青少年好斯文又靜悄悄咁偷拍（誤）我同男友ge互動，雖然未睇到片，不過相影得好好同修相調色都好靚，希望video都會有驚喜！期待中！
(感謝 Wengs & Felix 與我們分享動人的婚照)
更多香港作品請往：http://feiwedding.com/fei-gallery/Hong_Kong
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
