Janet & Devison (日本 影樓 婚紗攝影．February 2016)
我地係studio和北海道拍攝的pre-wedding 和揀相都已經完成，2輯相都好靚，所有朋友和同事都勁讚，我地拍攝過程都好開心，好期待製成品出現。回想起當時上網搵pre-wedding資料，見到Fei Wedding啲相好靚又好符合我哋想要嘅風格，於是膽粗粗打上去約時間見面。上到office職員阿Po好nice又有耐性解答我地嘅問題，所以我地好快就決定揀Fei Wedding。
拍攝studio﹕當日化妝師知道我塊面好容易面紅，佢好輕力幫我化妝，仲化到我好靚女，而攝影師外表雖然好Cool，但就好有耐性教我地擺Pose，我地兩個第一次影相，咩都唔識兩碌木企住喺度，表情生硬又唔夠自然，攝影師不厭其煩重複又重複講，仲親自示範俾我地睇。
拍攝北海道﹕特別想多謝我地嘅攝影師同化妝師。出發去北海道前，化妝師已經好細心WhatsApp提醒我們要準備的事項。在拍攝前一天，攝影師和化妝師便來到酒店與我們開會傾談拍攝當天的行程和安排。拍攝當日亦見證攝影師的專業，每每總是帶頭行前為我們找最佳的位置拍攝，不理會嚴寒天氣，為左一個鏡頭訓哂身落雪地幫我地影相。還有化妝師，每拍完一張相，佢都會唔理自己，首先跑過來送上羽絨為我保暖。雖然天氣好凍好凍，但真係影得好開心。
還有選相的時候阿Po都俾左好多意見我，如果唔係我都唔知點選好。
在此衷心感謝Fei Wedding所有嘅同事為我地付出嘅一切。
(感謝Janet & Devison 與我們分享動人的婚照)
更多日本作品請往：http://feiwedding.com/testimonial/Japan
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
