You are here: Home - 客戶推薦 - Alice & Victor (日本 婚紗攝影.November 2015)

Alice & Victor (日本 婚紗攝影.November 2015)

Posted on 三月 19th, 2016 with 0 Comments

起初我地想搵一間可以去日本影結婚相嘅公司,澳門呢邊太少選擇,香港嘅多少少,但睇過好多間嘅作品同評價都唔係咁啱心水,一係就好貴,一係就語言不通,同埋評價好參差,質素同信心都冇乜保證,直至睇到「Fei Wedding」,先睇網友啲評價不俗,絕大部分都係好評,再入去佢地網站睇睇先,啲作品都影得好靚喎,好有我地想要果種感覺,同埋睇到佢地網站度登左好多獎項出來,例如「優質婚禮商戶」、「最佳口碑大獎」,同埋「至愛婚紗攝影師」等等,睇到呢啲獎項,即時令我對Fei Wedding留下深刻印象,未幫襯都已經對佢地好有信心!

當然作為一個精明嘅消費者又點可能咁輕易就做決定,雖然心目中已經認定Fei 係首選,不過都係要貨比三家嘅,於是今年5月我地去婚展現場了解下,我發覺Fei 俾我嘅感覺最好,總監攝影師親自同我地介紹,又好耐心咁解答我地大大小小嘅問題,同埋我最鍾意佢唔會好hard sell,唔會逼我地做決定之餘又唔怕令人覺得有「唔憂做」嘅感覺,總之就好誠懇,同埋好專業,價錢又合理,攝影師仲俾左佢電話我add佢whatsapp,有咩問題可以隨時whatsapp同佢傾,之後返澳門都傾左幾日,攝影師都不嫌其煩咁一一解答我地啲問題,於是我地就決定參加Fei 嘅11月嘅日本紅葉婚攝之旅。

Fei 對我地有咩疑慮都照顧到,特別係我地喺澳門,唔方便成日過香港,有咩事都未必能夠即時處理,就好似試衫果part,雖然係有啲麻煩,不過Fei 都好願意協助同遷就我地,同一日就幫我地搞掂曬,唔洗我地行多次,好專業好高效!喺到要唔該曬職員Yencha,好有耐性幫我地又試又換好多套衫,又幫我地配搭飾物,又俾左好多專業意見,等我地慢慢試,唔會催我地,務求我地滿意為止!

到正式拍攝當日,一大清早化妝師化妝師好準時5:30就來到我房間幫我化妝,化好妝換好衫我地就出發去影相。

攝影師負責揸車載我地去各個景點,整個過程都好輕鬆愉快,我地兩人唔識擺pose,又唔識點樣笑先好睇,攝影師都好耐心教我地,又多想法,又識搞氣氛,等我地唔好咁緊張,佢教我地做出最自然嘅姿勢同表情,而且一邊影相一邊又幫我地拍video,但完全冇阻佢嘅專業!化妝師好細心體貼,換衫時都幫我貼好暖包,等我可以暖啲,每當影完一part就即刻幫我褸返件羽絨,化妝換衫都好熟練快手,所以果日我地都影左好多相。

真係辛苦曬攝影師同化妝師,好多謝你地當日嘅照顧,當日嘅天氣好凍,化妝師成日問我凍唔凍,我都話唔凍,因為佢地照顧得我地好好,我個心覺得好暖=^.^=!

雖然由朝早未天光已經開始然後一直影到黃昏日落,但係我地都唔覺得好攰,仲好開心,期間我地喺”小鹿斑比”公園仲撞我嘅同事+同事妹妹/妹夫,原來佢地都係Fei 嘅客戶,同事前一日先至陪佢妹妹影完婚照,如果佢地唔係話想去果度玩多次,都未必會撞到,世界真細小,緣份真奇妙呀!

我地開頭仲擔心自己唔識擺pose又唔識笑,驚影得唔好,點知早幾日去揀相睇返啲相影得好靚呀,張張都好靚,完全超出我地預期,我地個樣都唔洗點執,燈光+角度+化妝都已經足夠,主要係執走啲路人甲乙丙丁同穿崩位就可以了!

總體黎講,今次日本婚攝之旅真係一次又開心又難忘嘅經歷,我地好開心能夠揀到Fei 幫我地影相,好期待製成品快啲出爐!

如果要我俾讚嘅話,我會俾九個讚,希望Fei Wedding再接再厲,不斷進步,為新人們帶來更多更美好嘅幸福回憶~v^_^v

20160703_5221_d60b31 20160703_5218_c3e458 20160703_5219_dd9774 20160703_5220_de6e8b

(感謝 Alice & Victor 與我們分享動人的婚照)

更多日本作品請往:http://feiwedding.com/fei-gallery/Japan

Fei Wedding Photography 菲.攝影
www.feiwedding.com
facebook 專頁 www.facebook.com/feiweddinghk

Leave a Reply

Fei Wedding 菲.攝影提供頂級海外婚紗攝影服務,取景地點包括麗江、九寨溝、日本、韓國、歐洲及澳洲等地。總部設於香港交通樞紐的太子區,提供方便貼心的禮服飾物,行程安排、攝影支援及後期制作等完善服務。

Search

網上相簿

地址及營業時間

地址:九龍太子彌敦道749A號愛都婚紗中心地下
   (港鐵太子站 C1出口)
時間:12:00noon to 8:00pm
   (逢星期三休息,公眾假期除外)
電話:3580 1672, 3580 1679, whatsapp 6611 3878
電郵:[email protected]

臉書專頁