Connie & Jim (日本 婚紗攝影．April 2015)

完成咗我哋日本同香港室內既Pre-wedding，一年前無意間認識咗Fei wedding，因為男友喜歡影相，對影相質素有返少少要求，第一次俾佢睇攝影師影既相，佢就好鍾意，應承同我去婚展睇下，我最估唔到入到婚展，好快男友就拍板去大阪影櫻花，因為完全out budget(我上年join時，日元仍然十算，join package唔算太貴，但去日本使費貴)，我以為要睇多幾次、諗多幾諗，都未必有機會去日本，攝影師既靚相魔力太大喇！

我哋係三月頭先影室內，然後四月再影日本，三月頭第一次影pw，由攝影師親自幫我哋影，我好鍾意個妝，好自然，化妝師留意到我笑既時候令大細眼好明顯，等影新郎單人照時，馬上幫我補個雙眼皮貼紙，等我笑既時候唔會有咁明顯既差別，真係好細心！攝影師影相既時候就睇得出佢對影張靚相有好高要求，打燈試光都試到滿意為止！就算只係一個身影，都要最好既。影完哩次，我男友已經好滿意，亦好期待日本之旅。

我去日本既行程係大阪城櫻花加奈良影鹿，因為出發前酒店booking有問題，所以我哋住唔到大阪城附近既酒店，要一早搭車去化妝師酒店房到化妝，我好好彩今次有另一位好好既化妝師幫我化妝，佢幫我化得好好，令我大細眼自然咗，仲自備頭飾俾我影相用。由大阪城到奈良都影得好開心，影完後攝影師俾我哋睇過d相都好滿意。返到香港好快就約埋揀相，揀相過程真係好難決擇，因為好多都好鍾意，好彩全部相都拎得返。因為做油畫個size要cut張相，但我男友最鍾意嗰張個景cut咗唔靚，男友寧願俾錢加大張油畫都唔想cut咗張相。可惜我big day已經一早book咗攝影師，如果唔係實搵攝影師影。揀完相令我好想再影多輯，不過已經out晒budget，所以如果將來結婚周年紀念，男友願意，會考慮再搵攝影師影過XD

(感謝 Connie & Jim 與我們分享動人的婚照)

更多日本作品請往：http://feiwedding.com/fei-gallery/Japan

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk