Angela & Ka Ka (日本 婚紗攝影．December 2014)
我諗個個影pre-wedding之前都唔少得去行吓婚展，我同老公都唔例外。但係去到真係頭都暈埋。。。直到見到Fei Wedding。
首先一眼望落去已經好鍾意佢哋嘅風格，我哋本身係想去日本影紅葉，再睇吓佢哋影紅葉嘅相簿。。。好快就決定join Fei Wedding。過程一d都唔hard sale,而且價錢合理，好重要一點可以攞番晒d底片嘛。。。
由於我哋影相會帶埋小朋友同家人，化妝師好好人出發前問定我幾多人小朋友幾多歲等，幫我地租定大車同car sit。仲收到佢嘅email提醒我哋booking酒店，影相當日要注意d乜等。
到影相前一日第一次見攝影師傾影相細節，例如想影乜要咩風格。。。以及同化妝師講我個妝想點化個頭想點整，佢哋亦極之配合。
到影相當日，我之前一直好驚個妝會化到人哋唔認得我，好彩化妝師無比哩样嘢化身！妝同頭都係我心中所想！因為影相嘅時節好早天黑，行程超趕的，但係攝影師竟然都可以幫我哋影左好多不同位置角度，而且完全唔洗驚會生硬，攝影師會教你擺pose,加埋佢攞角度影出嚟真係似十足尊業model咁！！而且睇得出攝影師唔係交工課，係有心想幫我哋影靚靚，捕捉藍天白雲加埋最適合嘅光暗等等。。。仲有我哋影埋BB佢都絕對無問題！化妝師細心到唔洗講嘢啦，全日無停過！所以當日雖然好凍，但係因為有攝影師同化妝師，大家都影得好投入。
返到嚟香港，我哋終於睇左d相喇！比我哋想像中更加靚呀！！張張都想入簿，我覺得其實唔洗點執已經可以見人，執得勁反而會曬左攝影師嘅一番心機。依家真係勁想d相可以快d到手，可以同其他人分享。
長話短說，總之要多謝Fei Wedding所有team members,你哋個個都好好！生意一定會愈來愈好!
(感謝 Angela & Ka Ka 與我們分享動人的婚照)
更多日本作品請往：http://feiwedding.com/fei-gallery/Japan
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
