Yuki & Alex (麗江 婚紗攝影．March 2014)
前年, 見到朋友在雲南麗江影婚紗相, 覺得好靚~果陣就決定, 如果第時到我結婚, 一定要去呢個地方~之後有朋友介紹Fei Wedding 呢間公司, 話係香港公司影麗江婚紗相, 數一數二的攝影公司。
跟住我地就開始搵資料啦~ 上網 / 婚展 都搵過好多間, 比較完一輪之後, 都係決議用Fei Wedding。
出發去麗江之前, 心情確實有D緊張~ 記得當晚到左客棧, 見到客棧大廳坐左好多人, 大家圍住張台傾計, 感覺好似一家人咁~ 後來攝影師主動同我地打招呼, 自我介紹完之後, 由於當時已經接近夜晚12點, 我們就拎埋行李入房休息啦~~
我杜第2日訓醒之後, 就自己係古城入面周圍行下~ 麗江古城好靚, 好舒服~ Fei Wedding真係冇介紹錯, 古城確係一個拍攝婚照的好地方~~
行到夜晚, 我地就返返客棧, 同攝影團隊開會, 講解拍攝流程~ 傾完就各自返房休息, 準備第二日早起上雪山!! 當時諗起要上雪山, 心情真係好緊張又興奮!差d失眠, 驚訓唔知醒!
第2日朝早6:30就起身梳洗, 化妝師好準時到我地房, 幫我化妝set頭~~ 到差唔多8點, 個天突然落雨, 然後就收到壞消息, 話因為太大風雪, 上唔到雪山影相…果刻心情真係跌落谷底…心諗, 我係為左雪山而到麗江, 點可以冇左最重要的雪山…最後決定將兩日行程調換~當時真係好感謝化妝師, 佢不斷安慰我, 話通常第一日落雨, 第二日就一定會好好天~ 結果真係!! 第2日上雪山, 真係好天! 雖然有d大風, 又有d凍, 不過好彩有4個好man的男人幫我擋風擋雪! 多謝老公!! 多謝攝影師!! 多謝助手!! 多謝Video man!! 仲要多謝化妝師, always standby 在我身邊, 倒熱水俾我飲~ 每一啖熱水都暖在心頭, 多謝你地~~
兩日拍攝婚照的日子, 真係好開心, 好難忘! 我地同攝影團隊的種種回憶, 永遠都會留係我地心入面!
感激Fei Wedding 的jennifer, 幫我安排拍攝前後的煩瑣事, 多謝你唔嫌我煩, 每次都好溫柔好熱心好有耐性咁同我講解~
感激Fei Wedding 的攝影師, 多謝你幫我地影左輯咁靚的婚紗相! 多謝你每次都不怕危險地爬高爬低, 幫我地影到最完美的角度!! 多謝你不厭其煩咁教我地擺出不同的pose, 我地實在太生硬, sorry~
感激Fei Wedding 的燈光師, 多謝你幫我地打光, 令我地睇落好白淨, 哈哈~仲要多謝你帶我地周圍食, 食左好多好野~~ 多謝你!!!
感激Fei Wedding 的Video man, 多謝你為我地錄低每一個開心又搞笑的時刻~~ 每一個鏡頭都係你辛苦為我地錄低的美好回憶!!
感激Fei Wedding 的化妝師, 多謝你幫我化靚妝, set靚頭! 我真心鐘意你化妝set頭的 style, 可以配合每一套衫, 作出不同的轉變, 然後又將我最靚最charm的一面, 展現出來! 好多謝你!!
仲要多謝你, 拍攝期間, 幫我鋪裙擺, 整理衣妝~ 多謝你!!
感激Fei Wedding 的所有工作人員, Hami, Yunice, 仲有幫手改衫d姐姐~~ (唔知有冇打錯名or甩漏, 請見諒! )
感激Fei Wedding 的老闆攝影師, 多謝你發現到麗江呢個好地方, 多謝你地公司將麗江選為婚照拍攝地, 如果唔係, 我地都唔知道, 原來麗江真係咁美麗動人~咁值得一去!
最後, 多謝Fei Wedding 推薦的寒舍客棧, 好有特色, 老闆輝哥 & 娜娜好好人~ 仲有隻好可愛的狗狗湯圓!! 下次去麗江旅遊, 一定要住返呢間客棧!!!
(感謝 Yuki & Alex 與我們分享動人的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
