Zoffany & Ricky (澳門 婚紗攝影．March 2013)

非常感謝fei wedding, 我們在網上找到你們的資料，由第一眼看到你們的照片已經印象非常深刻。直至到去wedding expo深入咁睇你地嘅booth之後，就更加覺得非常吸引。好記得你地嘅職員好耐心咁向我地介紹你地公司嘅特色，遇到我地有唔明白嘅時候都用你地專業嘅知識一一解答我地嘅問題。最後我地當然係選用左你地嘅服務。不過你地提供嘅服務又邊止咁簡單。係揀衫嘅時候你地親切耐心嘅服務態度真係令我地好開心，仲俾左好多accessories我老婆揀，佢都不知揀得幾咁開心。

我地選擇影相嘅地方係澳門，仲安排左你地星級嘅攝影總監攝影師幫我地操刀，攝影師好好人，好親切，事前俾同我地開左個小小嘅會議了解下我地想去邊度影，其間都好仔細咁了解左我地揀左啲咩衫去配合番我地想影嘅景。終於都到左影相當日化粧師好準時咁去到我地住嘅酒店，中途都俾左好多意見我地，亦都幫左我老婆喺途中嘅打點。攝影師攝影師更加係非常非常咁專業，佢每一次都好快咁已經攞到最理想嘅影相角度同光暗，亦都帶倒我同我老婆好進入狀態。而且佢係擺post方面都俾左好多意見我地，等我地可以將我地最靚最自然嘅一面影低。

更加值得一讚嘅係佢地影相之後嘅服務，知道外面好多公司都會喺你影相之後叫你加呢樣加嗰樣，一個萬三蚊嘅package, 埋單變左三萬，但係Fei Wedding絕對無呢個情況，佢地俾好大嘅自由度同空間你去揀相，設計自己嘅相簿, 我地喺中途改左好多次，佢地都好有耐性不厭其煩叫幫我地修改。Fei Wedding絕對係一間”非”一般嘅攝影公司.

(感謝  Zoffany & Ricky  與我們分享美麗的婚照)

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk