You are here: Home - 客戶推薦 - 歐洲.海外 - Spring & Suen (意大利 婚紗攝影.May 2011)

Spring & Suen (意大利 婚紗攝影.May 2011)

Posted on 五月 31st, 2011 with 0 Comments

事前準備工作
出發前我地一直都有同攝影師以email聯絡, 雖然佢經常離港及外出工作, 但都回覆得幾快, 起碼我咁心急都冇乜點吹過佢。

攝影師 為我地提供之前住過既意大利酒店資料俾我地參考, 大大縮窄範圍等我地唔駛喺hotels.com睇幾百間先book。佢主動同我地夾番住同一間或者附近既酒店, 所以全個旅程都好方便。當地車費由我地負責, 佢不單止幫我地訂埋火車票, 仲唔係求其咁book左就算, 係格過價先用最平既組合去買!! 呢個真係要讚。

喺行程方面攝影師都俾到好多意見我地, 例如喺佛羅倫斯呢個景點集中既地方, 雖然我地只係逗留大半日, 佢都幫我地租左架車去近郊影, 仲要做埋司機, 睇地圖搵地方, 結果好開心好似去旅行玩咁, 去左啲好難忘既地方~~ 又例如喺米蘭呢個冇乜外景既地方, 攝影師建議我地租一間靚啲酒店影室內景, 好細心! 我地最後book既房可以住4~5個人, 於是我地仲一齊住share番~~~

禮服
喺拍攝前一日, 我地上去fei wedding final fitting同扲衫時先揀埋。佢幫我地pack好哂喺行李箱, 扲衫還衫都好方便~

攝影師
雖然出發前有朋友話過fei wedding 主力做國內市場, 去日本同歐洲影都係經驗尚淺, 但今次既拍攝旅過程好順利, 完全唔覺得有問題~ 攝影師好熟路, 我地只係需要跟住佢行完全唔駛用腦~~ 佢簡直係多功能, 身兼攝影師+人肉地圖+司機, 佢仲要好好體力, 扲住咁多鏡頭都仲要幫我扲隨身行李, 由朝影到晚唔肯停。 到第四日喺米蘭我地都影到好攰啦, 要求佢放過我地先可以收工~~~

花絮VIDEO
呢個項目係臨出發攝影師話送俾我既, 拍嗰陣我成日都覺得好煩,因為現場已經十分尷尬, Stephen仲成日叫我地重複咁做動作, 例如來回行三次咁, 有時又要行catwalk咁……真係想一走了之~~~ 不過事後睇番又覺得個效果唔錯, video可以紀錄既野同相唔一樣嘛, 婚禮可以多段片播都唔錯~~

化妝師
出發前曾經試左一次妝, 我都幾鐘意佢化既妝, 尤其係眼妝好靚。佢除左係化妝師, 拍攝期間仲做埋我地既燈光師同幫手扲隨身行李, 有時見佢太多野做都唔好意思叫佢幫我地影花絮相啦, 有時叫攝影師同佢部機幫我地影就算啦~~~

其實整個旅程我都好滿意化妝師幫我化既妝, 做既髮型都唔錯!

Spring & Suen (意大利 婚紗攝影.May 2011) Spring & Suen (意大利 婚紗攝影.May 2011) Spring & Suen (意大利 婚紗攝影.May 2011)

(感謝  Spring & Suen  與我們分享美麗的婚照)

更多意大利作品請往:http://feiwedding.com/fei-gallery/Italy

Fei Wedding Photography 菲.攝影
www.feiwedding.com
facebook 專頁 www.facebook.com/feiweddinghk

Leave a Reply

Fei Wedding 菲.攝影提供頂級海外婚紗攝影服務,取景地點包括麗江、九寨溝、日本、韓國、歐洲及澳洲等地。總部設於香港交通樞紐的太子區,提供方便貼心的禮服飾物,行程安排、攝影支援及後期制作等完善服務。

Search

網上相簿

地址及營業時間

地址:九龍旺角廣東道1155號日昇廣場
   (港鐵太子站)
時間:12:00noon to 8:00pm
   (逢星期三休息,公眾假期除外)
電話:3580 1672, 3580 1679, whatsapp 6611 3878
電郵:info@feiwedding.com

臉書專頁