Yuen & Kwan (麗江 婚紗攝影．April 2011)
個個都想自己既婚紗相影得靚,
然而, 要搵一間影得好, 價錢又啱既都幾難揀.回想起當天選擇攝影公司時, 其實都幾頭痛.
因為我地要求景點一定要靚之餘, 同時吾想花費太多 (Budget吾多既關係).
多年前去過雲南, 覺得果度既景好靚,
如果去果度影, 實好靚咋, 仲可以當旅行添.
於是朝住哩個方向去搵, 但好奇怪, 從開始搵到決定Fei Wedding哩間公司,
只不過係一日既時間, 我諗哩D算係緣份瓜.
上去傾完更加心郁郁, 而且個Sales姐姐好好人, 雖然吾係做婚展,
但都比個婚展價我地, 成個Package包衫, 包相冊, 包化妝, 仲送埋好多精品.
好吸引, 於是決定落訂, 行程定係4/15及4/16.
第一日既行程:玉龍雪山+雲杉坪+白水河
玉龍雪山比我地既感覺除左靚之外, 就得一個字”涷”. 仲要無著羽絨, 真係冷得我藤藤震. 周圍D遊人仲要行嚟湊熱鬧. 好彩有工作人員係度, 最終都順利完成.
不過第一次影, 表情真係好吾自然, 好搞笑.
雲杉坪, 哩度可以遠望雪山同被重重杉樹包圍, 好大自然feel啊.
白水河既河水七彩繽紛, 好特別, 同時亦都可以遠望雪山景色.
唯一不足既地方就係有灰塵, 搞到件靚衫污糟晒, 影完相要靠電腦執相補救.
好彩都冇乜影響.
第二日既行程: 麗江古城+束河古城+黑龍潭公園++油菜花田+拉市海
係高處俯瞰麗江古城, 古城既景色一覽無遺.
走入束河古城, 更令人有種古色古香既感覺.
雖然4月份的油菜花田未算係最靚, 但都算係一個吾錯既景點,
可惜吾記得要求攝影師拿埋個藍天, 浪費左少少.
最後有我最鐘意既碧海藍田白雲, 仲可以騎埋馬添.
可惜影影下落起場大雨, 搞到要躲係車廂避雨.
好彩最後雨都停左, 仲見到彩虹添.
最後補返些少便服相, 玩搞笑版, 感覺都吾錯.
整體來講, 兩日既行程非常之緊密, 好攰, 不過我諗攝影師大偉仲辛苦過我地,
因為太陽好猛, 好傷眼, 所以我地都好欣賞佢, 除左夠專業, 仲好細心, 不斷教我地如何擺pose, 仲盡量幫我地影多幾張相, 雖然有好多NG相Delete, 但最後都保留左成4百張咁多.
兩日行程完左之後便同攝影團隊Said Goodbye, 我地自己仲有一日既自己活動時間. 遊覽古城其它地方.
返來香港, 第一時間還晒攝影公司既野, 包括衫同飾物. 之後就等睇相揀相啦.
差吾多一個月之後就有相睇啦, 好期待睇到自己既作品. 但原來揀相係一件好辛苦既工作.
由400張相入面揀55張落相簿, 真係好難決定. 最終我地用左8個鐘無間斷咁睇,先完成揀相既工作.
揀完相之後, 同時揀埋排版. 排版揀左由Designer自然發揮既類型.
不過出來既效果, 覺得有點兒太簡單. 因為我地比較鐘意有動感少少既,
更有心思既設計. 所以將我地既意見反應左比攝影公司, 公司亦都好有心機幫我地再執過, 包括一D好細微既地方.
執完晒所有相同排版之後, 就又多一個月時間左右先拿到成品.
時間睇起來好似好耐, 但我相信慢工出細貨, 最後既排版應該吾會令我地失望既.
比起其它人, 或者我地花喺影婚照既錢相對較多,
但係睇完自己既作品後, 我地相信係花得物有所值.
係度pose返兩張我地感覺吾錯既相同大家分享先.
THANKS!!!!
(感謝 Yuen & Kwan 與我們分享美麗的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
