Cecily & Wing (麗江 婚紗攝影．April 2011)
其實初初決定結婚既時候都無諗過會去雲南影婚紗相家,但係有一次係網上見到Fei Wedding既網站就好奇click去睇下喇,一睇就巳經決定搵呢間影~就係甘樣就開始左難忘既拍攝旅程。
由選衫到出發成個過程, Fei Wedding既職員都好體貼同細心,又因應我個身型幫我選衫同頭飾(因為我身型唔係甘好),又時時都提我去雲南要拎d咩,天氣會點樣,要拎邊種既護膚品等等。同埋佢地會同我地分享點樣選衫可以突出我地既優點。
因為我地要係深圳轉機,去到既時候巳經係下午4,5點,因為今次除左我地兩個之外,我另外仲有幾個朋友會一齊去果度玩,我之前巳經問過fei wedding由機場去客棧既車雖然只係提供比我地兩個,但係司機哥哥知道佢地係我地朋友之後都即刻幫我地再搵多一部車去客棧,態度非常友善。
去到酒店之後,我地既攝影師哥哥同化妝姐姐巳經係客棧等緊我地喇~跟住之後佢地幫手安排我地入住,放低哂d行李之後化妝姐姐就黎同我地傾下聽日既造型,仲拎左幾本髮型既書比我參考,真係好細心呀。
到左正式開始影相,第一站上玉龍雪山未去到巳經感覺到好凍,當我地排隊坐纜車上山既時候d風巳經一陣陣甘吹埋黎,落左車之後我地就開始踩上雪山喇,我地需要行一段上山既路,行到一半未上到山,我巳經高山反應喇, 化妝姐姐竟然第一時間攬住我,跟住助手哥哥就即刻拎支氧氣出黎比我吸,之後我個人就舒服好多喇。雖然係雪山影相好凍,但係最感動既係每當有風吹埋黎既時候, 化妝姐姐就第一時間用羽絨包住我仲用佢個身幫我擋風,果一刻我真係好感動。攝影師哥哥好細心知道我地凍到傻左,於是就買左兩杯薑茶比我地飲,甘樣就完成第一站出發去第二站雲杉坪,沿途既風景真係好靚,攝影師哥哥每一站影完之後都會比番d相我地睇,問我地甘樣影仲唔仲意,又會問我地想要d咩style。一路影既時候攝影師哥哥同助手哥哥都好細心甘照顧我,知道我著住件裙唔方便,每次有難行既路,佢地都會扶住我,佢地真係好體貼。
之後既行程會比第一日既行程舒服d而且會無甘凍,攝影師哥哥仲做埋導遊介紹左古城既野比我地知。攝影師哥哥幫我揀選過d景之後,影出黎既相,個個都話好特別,好有特色。
呢次兩日既旅程真係非常滿意,fei wedding係成個過程都每晚打電話比我地,問我地今日影成點,仲會問佢地有無咩野需要改善,又問我地身體有無咩唔適應,非常關心我地,非常滿意fei wedding婚紗攝影公司。
(感謝 Cecily & Wing 與我們分享美麗的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
