King & Wai (麗江 婚紗攝影．November 2012)
Posted on 十一月 30th, 2012 with 0 Comments
我好多謝菲攝影拍攝團隊嘅專業！！令我有一個難忘嘅pre-wedding 之旅！！
我地係2012年11月中旬去麗江度影婚紗相嘅， 我地嘅拍攝團隊有攝影師阿凱、化妝師小霞及助理小陳。由於係香港直飛去麗江嘅關係，我地成夜晚十點鐘先至到麗江酒店。但攝影團隊佢地仍然好耐心地等我地嚟，其間亦有保持電話聯絡，到酒店後，佢地就同我地安排好攝影行程及著邊套衫。攝影師及化妝師亦都好樂意接受我地嘅意見及盡量滿足我地嘅要求。我地同拍攝團隊全程以國語溝通，無語言障礙。
今次去麗江影婚紗相，主要想影雪山嘅風景。但好可惜，雪山未有雪，全部都係石頭。於是攝影師建議我地唔好上雪山啦，改影其他地方。因為無雪嘅雪山影出黎都唔會靚。
拍攝嘅過程， 攝影師會不停地提醒我們如何擺姿勢，攝影師為咗有一個更好嘅拍攝角度，經常爬高爬低，並且瞓地，十分專業。因為當時非常大風，化妝師及助理經常留意我地嘅婚紗及髮型有無俾風吹亂。
成個拍攝過程好順利，天氣雖然凍及大風，但勝在有藍天白雲，雖然無咗雪山嘅風景，但影出黎嘅相亦令我地相當滿意！
(感謝 King & Wai 與我們分享美麗的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
