Karrie & Hejer (香港 婚紗攝影．March 2016)

老公嘅朋友介紹我哋去佢影Pre-wedding嘅公司 – Fei Wedding。上公司網站睇下啲作品集都覺得不錯, 就打電話去問吓詳情啦。職員Hami小姐講得好清楚, 簡而精, 唔hard sell之餘仲有好好人地話佢聽點樣join plan會抵啲 。

 
終於來到影Pre-wedding果日, 係三月中, 天氣不似預期, 天好陰, 想落雨, 但我哋唔改日子照出發。

 
化妝師一早準備好晒迎接我哋, 好快手地幫我化個靚妝set頭, 攝影師同助手亦隨後到達。老公將Pre-wedding reference相比攝影師睇, 兩位男士傾咗一輪, 等我個人搞掂就正式開始影相啦!
影樓Secret Place啲景好靚, 當中好驚喜有英倫風格嘅場景同埋一羣鎢絲燈膽場景。攝影師嘅指示都好清楚, 仲有化妝師同助手從旁協助, 攝影過程順暢又愉快。

食完外賣午餐就出發去外影地方 – 山頂&中上環。由於係三月中, 又極度天陰想落雨, 加上超級大風, 上到山頂真係凍到講唔到野。喺整個山頂攝影之旅, 攝影師無惧寒冷繼續好努力幫我哋影相。

由於婚紗多數都露肩, 我真係凍到飛起, 攝影師都好照顧我咁每影幾張就叫化妝師/助手比我着返褸保暖, 而因為山頂好大風, 化妝師都keep住好細心地幫我整理妝容。攝影師一影完都比我哋睇下係咪影到心目中想要嘅效果, 果然事先溝通過真係事半功倍, 見到攝影師拎嘅角度好好, 就更加期待製成品啦!

 
整個過程中, 真心多謝攝影師, 化妝師& 助手三位嘅專業同埋照顧, Thank you so much!!!

(感謝 Karrie & Hejer 與我們分享動人的婚照)

更多香港作品請往：http://feiwedding.com/fei-gallery/Hong_Kong

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk