Agnes & Daniel (日本 婚紗攝影．April 2015)

由計劃結婚開始睇過多間攝影公司,但都未找到合眼緣,最後經好朋友兼化妝師介紹下認識左Fei Wedding既 攝影師 ,上公司網頁睇過相之後亦好滿意,另外幫手跟進既阿Po亦好細心,由選禮服到揀相都比到好多專業既意見我地,最後決定選左Fei Wedding 既日本package,喺復活節出發。

身邊好多朋友都不約而同同我講京都好靚,所以原本想去大阪+京都影相,但攝影師 建議我地去大阪同奈良,因為復活節京都太多人,影相效果未必理想,最後接受左攝影師既意見。到達大阪當日落住大雨,真係好擔心第二日影相既天氣,結果第二日竟然藍天白雲天氣非常好,真係好好運,攝影師 亦好準時喺酒店門口等我地,仲做埋當日既司機載我地去影相既景點,我本身係好怕影相,因為覺得自己唔上鏡之餘,表情亦好生硬,一直都好擔心影出嚟既相會好古怪,但攝影師 好耐心噤教我地擺pose,表情角度等等,好快就開始適應左,攝影師亦好細心噤選景點,因為始終長假期比較多人,勝在我地一早出發人比較少,佢好巧妙噤避開人羣,影出嚟既相一d都唔覺有噤多人喺身邊

好朋友一早已經同我地講攝影師影相好認真好博,可以飯都唔食,當日果然,中午時攝影師問我地係咪一定要坐底食飯,相信我同一般人心態都一樣,一生人一次當然要善用時間影多d相,結果我地只係喺便利店買飯團食就繼續行程,攝影師仲一邊開車一邊食添,辛苦晒你。去到奈良,時間仲好充裕,可以慢慢換衫化妝,比想像中要舒服(當然先要條件係你要守時配合攝影師),最後影出嚟既效果非常理想,就算未PS既相好多朋友都讚好靚。
影完全日相之後我地都已經好累,但揹住沉重既攝影器材一整天既攝影師仲要開車載我地返酒店,我地真係好佩服佢噤好既精力,而一上車就開始落大雨,我同好友都講笑話攝影師係我地既幸運之神, 影相後第二日我地去左京都,好慶幸當初聽取攝影師既意見冇去京都影相,京都雖然好靚但人實在太多

好多謝你地帶比我地一個噤好既回憶。

(感謝 Agnes & Daniel  與我們分享動人的婚照)

更多日本作品請往：http://feiwedding.com/fei-gallery/Japan

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk