Kennie & Lawrence (麗江 婚紗攝影．February 2011)
由於要就男友一定要到農曆新年先可以放長假… 所以我地棄選心儀既日本(因為果段時間同影相公司夾唔岩…一係就要去北海道…..但我怕凍.. 一定頂唔到…) 簡左我十年前既地方.. 雲南麗江!!去呢個地方有兩間香港公司… 比較過佢地既service同offer我地選左Fei wedding.. 由於我同阿囉都係好注重Service既人… 門市既阿Kate好好耐心… 我地去左唔知幾多次架啦~~ 佢都好好人咁同我地傾完又傾… 最中意佢地係唔會hard sell… 唔迫人即刻要落單… 我地諗完又諗…問完又問~ 攪左好耐先confirm佢地~ hahaha…我地都幾煩架~~
之後去佢地office簡衫同fitting… 佢地比我地既感覺都唔錯… 好nice.. 好有禮貌… 唔會黑你面~
响出發前一個月… 我不斷咁病病同病… 冇停過食藥… 最後仲要生左幾粒大大大大唇瘡!!!!!! 個咀超樣衰!!!!
我地冇跟Fei wedding recommend果兩間客棧~ 因為我地想搵間豪華d大d…有強力暖氣既!! (不過.. 其實.. 如果大家身體唔係咁好好似我咁…都係跟佢地果兩間方便d…下便再講比大家知~~) 我地簡左一間叫陽光一米既客棧! 係客棧!! 去麗江一定要住吓客棧!! 好得意.. 好靚… 好特別!!!!
我地去六日.. 頭兩日係休息… 同埋整理&準備吓影相d野…. 中間影兩日… 尾兩日周圍行吓買吓野….
本身book 左間房係中型家庭房.. 但我地去到佢無啦啦upgrade左我地去大大大家庭房… 正!! 冇加錢仲好好service架~~ 有咩佢地會盡量幫你… 麗江d人好純樸.. 樣樣都冇咩所謂咁… 又好人!! 買野唔hard sale.. 唔買都好好禮貌~ 多謝前多謝後~~ 連最後果日用牛車車我地行李出大街等fei wedding架車既伯伯都好細心! 佢叫我地唔好用我地手提打比fei wedding司機… 用佢手提佢幫我地打… 自己同司機講好邊度等… 原來除左驚我地唔識路之外.. 主要係話用我地電話要漫遊… 會貴呀!!! 好窩心呀!!!!
第一日去到已經好攰.. 因為要响深圳上機.. 又的住兩大o急衫…. 去到已經夜晚…. 我地住果間客棧又响個古城中心…. 車係入唔到去架!! 要行入去….. 加上高原地方個人係好容易攰!! 所以都recommend大家如果怕重同辛苦要行… 跟fei wedding去影相都係住佢地建議果兩間啦~ 不過我地果間都唔錯!! heehee!!
第二日… Fei Wedding既攝影師同化妝師就黎到我地既客棧… 同我地傾吓影相風格, 行程, 襯衫(同d景), 化妝風格, 髮型等等~~ 佢地係兩公婆黎架!!! 哈哈~ 阿Law一望就覺得佢地好有夫妻相!! 傾完之後就問人係咪一pair~ haha.. 佢地都好細心聽我講解我戴去既sample相~ 化妝方面… 其實我自己未去之前都有d擔心.. 因為係大陸人化妝… 會唔會好leung架…… 有人都咁講… 不過原來佢地真係好pro! 以客為先!! 好用人聆聽個客既喜好… 我好怕人化到隻眼好黑!! 一定要清清地…. 個頭要優雅… 佢仲問我借左本書番去研夠我中意既造型… 結果佢既妝令我十分滿意! 什至我後來响香港試左好多次妝都試唔岩… 諗番原來最聽我意思… 最合心意既都係麗江既化妝師!!
第三日一早七點左右~ 化妝師就到勒! 佢比攝影師先到幫我化好妝先… 佢一路化我一路係咁用鏡”鴿”實佢~~hahahahaha….. 因為我好緊張佢d手勢~ 驚佢劃得唔靚同leung呀嗎~~~ 佢知我緊張… 一d都唔會覺得我好似唔多信任佢咁…. 仲每劃完一樣野主動咁叫我睇吓係咪中意咁… 有冇唔舒服… 洗唔洗重d or 要再輕d~ 佢見我戴左con…對眼超辛苦… 仲好細心咁叫我聽日等佢化好妝先戴con… 感覺好窩心呀!!!! 我話咁咪好易整花個妝囉? 佢答我咁我咪幫你補妝囉~ 呢個係我地既工作!! 客人老遠來到我地呢度拍照.. 一定要開開心心… 華!!!!! 加分!!
化左一個妝之後… 基本上我已好放心!! 因為佢實在太好人勒!! 以客為先既態度令我知道佢跟住落黎果幾個妝應該冇問題… 佢清楚我中意d咩!!
我地出發啦~ 第一日先去玉龍雪山! 由於我身體差又太涷… 阿Law唔想我病或者太辛苦… 所以放棄好多人好中意去既雪地影相… 大剛佢地都奇怪… 因為香港人好多都係為左個雪山而黎!! 而我地偏偏放棄~ haha.,. 冇法~ 我身體太差啦… 未去雲南已係咁病… 仲有我地prefer影當地特式… 好西藏feel既寺~ 於是去左毛牛坪!! 海拔三千六米!! 坐吊車上去~~ 好大風呀~~~~~~~~~~~~~ 不過沿途好好好好好靚!!!!
攝影師一家出動!! 打燈既原來係攝影師爸爸!! 而佢亦係一位退休攝影師!!!! 今次因為香港黎個助手同事放假 (正值CNY 嗎!) 所以先出動爸爸幫手~~~ 爸爸仲好風趣TIM~~~~~ HAHA!!
攝影師佢地話我地好彩~ 因為前一晚落左雪~~~~~ 山上仲有雪!!! HAHAHA~~~~~ 好野! 玩得幾開心!! 我地响雪地走來走去! 插隻手落雪度整雪球~ 好辛苦架!! 因為太高啦~~ 好氣喘架!! 比平地花更大力氣!! 行步路都會好喘!!! 何況跑!!! 隻腳又插左落雪入便又要好用力先的番隻腳出黎!! 超攰!!!!! 大家要去真係要食飽, 休息飽同戴定朱古力!! 如果唔係就好似我咁~~ 出事勒!!
跟住第二站就係山腳既藍月谷.. 白水河… 其實… 响落山時候… 我已經覺得自己唔多妥勒… 個頭開始痛…. 暈同作嘔…. 個人好攰… 氣喘…. 好涷…… 開始唔笑同唔出聲勒…. 我一上車即刻食葯!! 我諗… 我實係山上玩得太興奮… 比風吹親.. 冷親~ 所以食左粒平時食開既感冒葯… 頭痛葯~ 去到藍月谷係食中午飯時間… 化妝師知我唔舒服叫我要食熱野… 所以拖左我行去一間小店食左個面…. 冇錯… 佢係拖我去既!! 我果時已經好辛苦… 仲要著住條又重又長既裙… 我開始暈陀陀… 佢好照顧我… 扶實我攬實我鼓勵我… 佢話食左熱野就會好架勒….而阿Law就做左苦力… 的住我d行裝跟住我地去小店… 我心想…. 死啦…. 我想放棄呀….. 好辛苦呀…. 但影左好少ja喎…………… 點算呀???? 好彩… 好夾硬咁吞左碗面之後…. 情況特然好轉!!! 精神曬… 跟住化妝師好細心咁幫我放開少少條裙背後既拉練… 華!!!!!! 條氣順曬~~ 個人亦因為食左熱野暖曬! 有番熱量… 原來高原地方熱量係超重要架!!! 大家要注意!!
之後轉妝換衫繼續影相… 好多人睇呀!!!哈哈… 好似大明星咁!!! 仲有香港遊客大叫加油!!! 同好靚tim 呀!!!!! hahahahaha~~~ 笑死我!! 笑左大餐又另我有番信心!! 一定可以堅持到既!!
終於影完第一日… 由於車係入唔到客棧門口…. 要行多十分中路…. 我拖住條裙….. 拖住好似唔係自己既身驅…. 而化妝師又拖住我個身驅…同的住我半條裙…. 跟住大剛行… 阿Law又做苦力… 我同佢都喘曬氣…… 沿途有好多人笑住咁歡迎我地…. 又有鬼佬想同我影相… 但我地已經冇氣勒…… 只係想快d番到去……………………
除左攰…氣喘… 仲有餓!!!! 攝影師佢地的左我地番去之後就走左勒…. 仲叫我地一定要食飽!! 休息好!!! 高原地方一定要有足夠熱量….. 多飲水….唔係好行既建議! 係好認真地一定要飲多D水!!!!
休息左一陣… 我又覺得唔妥勒………… 頭好痛…… 想嘔……. 好似重感冒咁…….. 食多粒感冒葯就去訓啦……. 其實我連妝同頭都未拆…… 因為我實在係太攰….. 一定要訓吓…..而阿Law就拖住好攰既身心出左去買野比我食…. 我知佢都好辛苦…. 但因為我病左所以佢下意識地要頂住………… 我訓訓吓就開始轉差勒…. 標左入次所嘔同柯…… 跟住阿Law就番到….. 我嘔完諗住好似晏晝咁食番d熱野就冇事啦…. 點知食左即嘔!!! 仲暈吓暈吓…. 跟住就被阿Law抱左上牀… 我d手同腳失去知覺… 係!! 係痺曬!!! 冇曬力…. 郁唔到!!! 只有頭同身係有血到咁!!! 真係好驚!!!!! 阿Law仲驚!!!! 見到我急轉直下….. 佢緊張得要命!!! 佢立刻沖左去叫人幫手…. 客棧既人好好… 比左幾個氧氣樽我吸… 因為原來我咁係高山反應…. 要吸氧!! 跟住阿Law call 左大剛… 我地响麗江冇其他識既人… 有事都係要搵佢地…. 阿Law走埋黎我面前同我講唔洗驚…. call左人幫我地…. 攝影師黎緊送我去醫院…. 見到佢眼泛淚光… 同好擔心既樣…. 好想講對唔住呀老公…. 令你咁擔心…. 又攪到咁ma煩…………………
攝影師同化妝師好快就過到黎… 因為佢地有車…. 所以就立刻抱我上車… 車我去醫院… 由於我地住响二樓… 而我因為手腳冇知覺冇力… 成個人都比正常時重! 所以以阿Law已經唔係好妥既身體狀況唔會有信心可以抱到我落樓梯… 結果好高大既攝影師”咩”起我… 行左十分中既石板路先去到停車場…. 佢地好小心咁放我入車…. 我見攝影師已經喘曬氣…. 化妝師又表現得非常擔心….. 不斷咁安慰我地…. 好感動!!! 麗江人既真性情真係好令人感動…. 到達醫院… 阿Law同攝影師一人一邊的住我入去… 周圍搵醫生…. (由於已經夜勒… 醫院好似熄曬燈咁~~) 醫生同我做檢查… check左我個肺冇事… 心電圖都正常… 話我係高山症…. 要吸氧氣…. 打支高山葯針…. 訓响度一陣…. 休息….. 其間…阿law同攝影師出左去同我做入院手續同比錢(大陸醫院要比錢先架)… 化妝師問我… 你係咪好辛苦呀?而家邊度唔舒服? 我好柔弱咁示意我對腳同手冇知覺好痺…. 佢竟然二話不說伸隻手入我被入便同我按摩d手同腳!!!! 我當時好感動!!! 佢對手好溫暖…. 好似媽媽咁!!!! 真係好媽媽feel架!!!! 我d眼淚就係咁標出黎…… 我話唔好啦唔洗啦… 一陣等老公幫我按得勒…. 真係唔好意思架!!! 人地同你只係泙水相薘… 點可以要人幫你按腳架~~~ 但佢話:唔好講d咁既野…. 你黎到麗江… 就係客人!! 客人有事一定要幫!! 見到你咁我地個心都唔舒服… 華………. 我又喊了…… 我話我地走到咁遠黎到… 本來係開開心心…. 但自己身體唔好攪到咁…. 又要ma煩佢地… 又令到老公咁擔心…..好唔開心…. 化妝師不斷咁安慰我…. 仲一路係咁同我按….. 我覺得自己好幸運… 遇上呢家人… 以為休息左陣d手腳有番知覺會ok…. 醫生要我番客棧休息… 但一出醫院門口…. 我又痺曬勒… 又被佢地抱番入去……….. 醫生都話我奇怪~~ 一出門口又唔掂…. 結果.. 阿Law堅持要我訓一晚醫院吸一晚氧… 有醫生响度會安全d… 於是我同阿Law就响麗江醫院訓左一晚….. 我要吊針… 所以連去次所都好唔方便…. 阿Law全程都好照顧我… 我要咩佢都好快送埋黎… 佢成晚都訓唔到…. 第二朝我地決定自己慢慢行番客棧…. 因為一定要食野… 所以經過KFC就買左個粥番去…. 一路行阿Law唔知問左我幾多次”得唔得” “有冇唔舒服” … “唔好諗住呀” …. 又驚我涷…. 同我包到實曬…. 我想講其實我有d熱…..haha…. 好感動既經歷…. 無論係攝影師兩公婆定阿Law…. 我唔會忘記呢一晚!!!!!
好驚!!但又好放心既一晚!!! 我就係咁响雲南醫院訓左晚~ 其實都冇訓過… 係等天光~ 等自己身體回復體力… 但由於前一日冇咩野落過肚…. 又驚喎~ 所以第二日都係唔係好掂咁… 心諗…. 唉………………………..點算呀?? 我地影左一日ja喎….. 咁咪好浪費?????? 唔安又唔樂…… 好彩阿Law都叫我唔好諗咁多… 個人冇事緊要! 不過始終我個心都唔開心…….
好消息响第二日發生~ 香港Fei wedding既阿Kate打電話黎~ 問候我呀~~~ 又話因為我地仲有兩日先走… 如果身體好番… 我地可以响尾二果日影埋佢呀~~~~~~~~ 實在係太好啦! 跟住下午左右… 攝影師一家人仲黎左探我tim~~ 仲有大量生果!! 係大量!!!!! hahahaha…. 太多啦~~~~ 同埋一紮fei wedding 送既玫瑰花~~~ 化妝師叫我第二日戴埋去影相~~~ 都算係咁啦~~
經過第一日既經驗… 我地知道… 一定要食得飽同飲水!! 保暖!!! 同埋行路慢慢… 唔好心急!!! 總算影得完日攝~ 不過好可惜… 當我影到旁晚時…. 又開始頭痛…. 同唔係好舒服…. 所以…. 都係冇影夜晚…………………………… 好可惜…. 因為麗江古城夜景好靚架~~~ 我地急急步番酒店休息…… 跟住出去食晚飯….. 但食到一半我又黎啦~~~~~ 又暈暈地… 心跳加快…. 好驚呀~~~~~ 阿Law連叫左未黎既牛肉火鎬都唔等啦~~ 立刻同我番客棧吸氧氣包包~~ …. 好彩只係一陣…. 好快就正常番勒…..
呢次經歷實在係畢生難忘呀~~ 但係好想講呢個地方真係好靚!! 人.. 的確係純!! 望住壯麗既景… 係會有一番體吾!! 我會再去!!! haha.. 亦推介大家去!!!
(感謝 Kennie & Lawrence 與我們分享美麗的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
