You are here: Home - 未分類 - Maggie & Calvin (麗江婚紗攝影．March 2011)

Maggie & Calvin (麗江婚紗攝影．March 2011)

Posted on 三月 31st, 2011 with 已關閉迴響。

今年3月我地去咗雲南麗江影婚紗相, 係一個好愉快旅程! 想同大家分享吓。

為什麼會選擇Fei Wedding影婚紗相? 因為Fei Wedding影婚紗相「好靚架!」當我第一次睇到佢地網頁, 真係「嘩!!洗唔洗咁靚呀!」睇到佢地好有心機做個網頁, 而且佢會post好多新人婚紗相, 令我可以更加了解Fei Wedding影相style係唔係我同未婚夫想要個款。因為怕影得唔啱心水, 不但浪費時間同金錢, 而且仲怕俾人激到一肚氣。

之後, 我地去婚紗展到遇到Fei Wedding – Kate, 佢好詳細地咁講解package包d乜野, 唔厭我地問長問短, 又好耐性, 又好笑容, 係一個好nice既人。令我同未婚夫更加有信心, 今次唔會揀錯攝影公司。

<出發前準備工作>
好多謝Fei的同事幫我安排一個滿意難忘的行程, 尤其是Kate。她幫我們安排行程, 又幫我地訂客棧, 又提點我地記得帶齊防曬及保濕用品, 好細心好幫手。另外, 試衫時, 好多謝Gloria, 有耐性和細心幫我換衫同俾意見我, 因為我心多多揀咗好多套衫試。

<行程中難忘的事情>
第一件事, 一朝早出發去玉龍雪山, 心情忐忑不安, 因為助手話雪山天氣唔穏定, 有機會雪山上面天氣會好大風雪, 但是我地好想去雪山影相, 而攝影師大剛好尊重我地意願, 堅持去雪山。真係十分多謝大剛的專業精神, 因為雪山天氣真係唔係幾好, 又大風又凍, 心裡諗咁辛苦先上到幾千米高既雪山, 天氣咁差, 影出黎既相都唔知會點, 但係出乎意料之外, 攝影師大剛能夠影到我地最自然開心一面, 實在太難得。
最難忘係大剛居然用自己身體壓落雪上面, 去做一條路俾我地行上去影座雪山, 因為積雪太厚, 有成尺厚呀, 而雪山上又有好多遊客, 為咗影一個靚景點, 他差點與人口角, 他那份認真、細心和專業精神, 真令我地好感動。

第二件事, 十分多謝化妝師明華, 幫我化得好靚, 個妝同埋set頭都好啱我心水, 襯返我幾套衫, 而且她好細心咁扶著我行, 又幫我拎外套, 又幫我不停咁補妝, 因為我凍到不停咁流鼻水。

第三件事, 要多謝助手幫我地拎野, 尤其是拎個部打燈機, 唔好睇少個舊野呀, 成10幾kg重, 真係估佢唔到咁重, 辛苦晒助理。
另外, 我地係麗江住既古苑客棧, 租金又唔貴, 又乾淨又企理, 最緊要有穩定既熱水供應, 沖涼唔怕凍襯, 而且房東好好人, 你問佢邊到搵好野食同埋買乜手信, 佢都會話你知架。

<後期制作>
大約等三星期, Fei Wedding – Hami打電話俾我地, 約時間去佢地到揀相。多謝她好詳細同埋好細心咁解釋俾我地聽相簿制作過程, 而我地之後亦打電話好幾次問佢執相和排版既問題, 她不但唔厭我地煩佢咁多次, 仲好樂意幫助我地解決問題。

最後, 衷心多謝Fei Wedding所有人, 幫我地安排咗今次咁難忘既婚紗攝影旅程。