Zoe & Steven (影樓 婚紗攝影．July 2016)

尋日影完secret place studio, 好想好想大讚化妝師Pat!

佢好細心又温柔，每化一個步驟都會解釋。佢化既妝好自然，而且好細緻。影完之後，個妝keep 到夜晚10點，都重好靚。真係好多謝佢咁俾心機幫我化個靚妝！

最欣賞係佢一路set 頭，一路會問，劉海既長度﹑鬆緊，佢都會擺幾款出黎，問我覺得邊個好d, 先再set實個頭，當然佢都會俾意見~

除左化妝一絲不苟，佢全程跟足，著婚紗既時候都好幫忙，佢會執好一切，左望右望，先俾我行出去。佢叫我唔好介意佢有強迫症，但我心想做化妝師正正需要有強迫症！XD

影相個陣，佢成日都會走出黎幫我地整返d頭髮同補妝，秒秒跟進！佢好細心，幫我地用手機影左d相，等我地可以即日睇返~

係度要多謝尋日幫我地影相既人，攝影師Sam、助手阿元, 同埋之前負責講解同幫我地試衫既員工！

因為好怕今次pre-wedding 影得唔好，所以我地影相之前準備左一隻USB, 都擔心佢地未必會仔細睇，但尋日影相既時候，我發現佢地每個人都睇過！

呢年黎，我地接觸唔少同wedding有關既公司，無論酒店﹑酒樓﹑decor、攝影, 都發現呢個行業有心既人實在唔易揾，好多人都好商業。好開心fei wedding既所有員工都好落力，好用心去幫我地影好輯相。

我地對佢地黎講只係一單小生意，但佢地既服務係我地人生一個好緊要既註腳，真係好希望其他做婚嫁生意既公司可以緊記呢點，記住當年入行既初衷。

(感謝 Zoe & Steven 與我們分享動人的婚照)

更多影樓作品請往：http://feiwedding.com/fei-gallery/Secret_Place

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk