Cecilia & Ricky (香港 婚紗攝影．May 2015)
之前其實已經在婚展報左一間代理韓國STUDIO prewedding既公司，費用接近三萬蚊，唔包酒店機票，仲要早半年報名。果間公司既SALES仲自誇服務有幾好,韓國STUDIO攝影技術同執相技術有幾一流，佢地又有幾周到既安排等等。 但一如所料, 講係天下無敵, 報完之後, 果間公司完全冇主動聯絡通知我地有關拍照安排, 而我地個PACKAGE係包外景的, 但唔好彩落雨而求其影左幾張交差就算數, 太多怨聲數之不盡,總之就係後悔啦。
番到香港睇完相發現韓國D相影得好普通所以決定香港想影多一輯全外景的, 經朋友介紹之下得知有一間LOCAL PRE-WEDDING攝影公司, FEI WEDDING, 朋友話佢地個CHIEF PHOTOGRAPHER, 攝影師, 影D相好得, 所以就搵左佢幫我地影prewedding同BIG DAY。
我地揀左去石澳同中上環為拍攝地方, 當日天氣相當炎熱成三十幾度, 拍攝人員及助手相當有耐性，搬住好重既攝影器材都帶我地到石澳既石灘上影, 仲要幫我地就埋個太陽光線同埋個風向, 認真專業同一絲不苟。之後影完上環紅磚後,攝影師仲建議可以去西環碼頭影幾張黃昏日落景,完全冇話限左影三個地方就只去三個地方。夜晚影埋之後番到去佢地公司還婚紗禮服都已經接近十二點,但走既時候攝影師同助手仍要OT整理影左既相片,又要讚多一次,相當專業。
兩個星期之後就已經收到EMAIL話有得睇相,上到佢地公司睇既時候仲有工作人員在旁提供意見,仲發現佢地影既相比韓國果D數量少好多但張張都係認真咁影而質素有保證,相反,韓國果邊係同一個POSE影十幾廿張,令揀相過程非常困難。揀好之後,工作人員冇HARD SELL其他產品仲好老實咁教我地點加相會抵D。可能因為之前既經驗實在太差, 所以覺得FEI WEDDING提供既服務真係有D喜出望外。價錢方面,都只係韓國既一半,較低既價錢有咁既QUALITY真係好抵。最衰就唔到假期,唔係我地一定會跟埋攝影師去歐洲影多一輯, 收費好似都係三萬左右。
(感謝 Cecilia & Ricky 與我們分享動人的婚照)
更多香港作品請往：http://feiwedding.com/fei-gallery/Hong_Kong
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
