Kathy & Yin (峇里 婚紗攝影．June 2015)
記得喺上年年中，有次同男朋友行婚紗展，見倒Fei Wedding呢間公司，當時播住一段麗江既婚照特輯，一對新人影到好活潑好開心，已經深深吸引住，雪山同花海竟然可以共存？！事後上Fei Wedding既網業睇，作品非常多而且影得好自然，無意中見倒一段峇里既婚照特輯，睇完網業既相更加鐘意峇里既建築物，而且影兩日真係好期待呀。
喺今年５月去左Fei Wedding到試衫，試身地方好闊落，由Freda負責幫我地揀衫試衫，又比好多建議我地，仲記得係拎衫果日，Freda pack野超快手，效率好高呀！其實峇里我地已經係第２次去，但感覺麻麻！因為要影教堂，多得攝影師推介左Samabe呢間酒店比我地，真係又大又靚，完全改變左我對峇里既感覺！
影相呢２日，攝影師同化妝師好準時黎到酒店,化妝師幫我化妝set頭，又教我擺下pose，好nice輕輕鬆鬆傾下計時間真係好快過，個妝化得好自然好貼！好記得呢２日每次影影下，攝影師個頭就會則則地跟住望住我傻笑，之後就叫我笑，要笑得開心d，每當我望倒攝影師呢個樣既時候，明明唔笑都好想笑！而且攝影師曬到好鬼黑，我真係覺得攝影師好適合賣黑人牙膏廣告，哈哈！
影到第2日，攝影師不斷叫錯我個名，化妝師都幫我話鬼佢，真係好搞笑。成個過程都好開心好順利，但峇里真係好熱好曬，當我地流住汗水既時候，其實攝影師同化妝師都一樣咁辛苦，攝影師要渣住部大機又企又爬地又踎全日影咁耐，化妝師又要兼顧埋助手既角色，好記得喺影騎馬既時候，化妝師渣住支閃光燈，海水沖埋黎，條褲仲比海水沖濕曬！
好想再次同攝影師 & 化妝師講聲多謝曬！辛苦曬！ 多謝 幫我&Yin影左咁多靚相，辛苦 呢2日為我們流左咁多汗水&體力！Fei Wedding真係一間services好好既一間公司，影相又有質素，如日後有朋友影pre-wedding，一定推薦你地公司！
(感謝Kathy & Yin 與我們分享動人的婚照)
更多峇里作品請往：http://feiwedding.com/fei-gallery/Bali
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
