Janet & Ivan (影樓 婚紗攝影．July 2015)
其實本身已經影左pre-wedding，室內室外都影左，婚前4個月無意中留意到Fei Wedding有個叫Secret Place既影樓，影岀黎既效果有韓式既感覺，價錢合理，即刻同男朋友上去了解多d。接待我既係阿Po，講解清晰，完全無push我決定，其實我睇多d sample相，已經心動，加上package明碼實價，影相當日唔使同人share studio，仲可以拎返所有相底，即刻覺得好抵，唯一擔心係婚前拎唔切d相，阿Po好努力幫我度期，真係好好。
揀衫既時候，空間感好大，環境舒服。婚紗禮服好新淨，keep得好好，幫手既係Hedy，佢好nice好有耐性，最後我揀左兩套我勁鍾意既婚紗。
影相當日，我地早左半個鐘到，助手已經set好場。
不得不提，攝影師對構圖好執著，道具既擺位諗得好仔細，擺pose又指導得好好，「面向左少少，再左少少」、「手放前少少」等等，影相既角度係好重要，pose同角度好難後期加工，要做到咁，少d經驗都唔得，我地亦好慶幸遇上一個咁追求完美既攝影師。為左更好既效果，攝影師仲爬高爬低，助手亦好有耐性不斷按攝影師既要求移動道具、整理裙尾，而化妝師仲好把握時間主動用手機幫我地影snapshots。影到一半，攝影師仲俾相機我地即時睇睇，了解係唔係我地想要既效果。一睇相，未執已經好靚！
影完相兩星期已經有得揀相，阿Po繼續100分既態度，俾我地慢慢揀、慢慢傾，完全無sell我加錢。輯相我真係好鍾意，係我影咁多間效果最好既，好期待快d有得拎成品。最後Po仲俾問卷我地填對每一位工作人員、每一個項目既評價，Fei Wedding咁重視客人意見，唔怪得個個既服務都咁好。我好少打咁長既評價，不過真心覺得Fei Wedding值得推薦。
(感謝 Janet & Ivan 與我們分享動人的婚照)
更多影樓作品請往：http://feiwedding.com/fei-gallery/Secret_Place
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
