Fonnie & Rob (日本 婚紗攝影．April 2015)

開頭都有少少擔心有無揀錯Fei Wedding，不過完成整個拍攝過程後可以肯定說”無揀錯”，原因係他們非常細心同有效率。

原定12月影紅葉，可惜最後有事影唔到，他們都容許我們改期,轉影4月櫻花期.由於我們的pre wedding日子相當接近婚期，但多得佢地嘅幫助，得以安排我地盡快揀相／修相， 以便結婚前拎到靚靚的pre wedding相。

另外，不得不提Fei Wedding員工，好似阿Po, Annie, Hami同化妝師 個個都好nice，好細心，由試衫到揀相，佢地都會俾到專業嘅意見我地，而且每一part都解釋得非常詳細, 試衫時又會按我嘅身形介紹啲靚衫俾我試, 務求我著得靚靚咁去影。

講番拍攝當日，化妝師倒塔咁早（朝早6點半呀）就黎幫我化妝set頭，同佢好好傾。 不過好景不常，出發果時個天落緊毛毛雨，仲好凍，好彩多得化妝師鐵人上身，一手攞遮， 一手拎住我地啲羽絨。佢知我怕凍， 一停落黎時佢會好細心咁幫我著番件衫。 加上我地第一次影Pre Wedding， 動作好生硬，表情又唔自然，但好在有個專業嘅攝影師， 佢真係好有耐性教我地擺pose, 又會營造氣氛，所以笑容同表情都自然番好多。 攝影師仲知我鍾意某種拍攝場景，好似藍天白雲呀，夜景呀咁，佢會想盡辦法，一見到有藍天白雲佢就會仆到去搵靚的角度， 再叫我地快D埋位，真係辛苦灑佢。

最後，Fei Wedding真係一個好好嘅團隊，好專業。 再次衷心多謝你地， 令我地有一個美滿又難忘嘅回憶！

(感謝 Fonnie & Rob 與我們分享動人的婚照)

更多日本作品請往：http://feiwedding.com/fei-gallery/Japan

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk