Ling & Bosco (香港 婚紗攝影．March 2014)

我們的第一次就俾左Fei Wedding喇!!!
回想起當時o係會展睇左眾多的pre-wedding攝影公司，真係花多眼亂，而且睇完基本上唔會有太深刻的印象。直至去到Fei Wedding的攤位，俾佢地的攝影風格吸引住，因為真係拍得好自然，一d都唔造作，正正合我想要的自然風格。值得一讚的係Fei Wedding同事講解非常中肯，唔會hard sell一d好貴的plan，會按我地實際要求同budget推薦，呢樣野真係唔係間間做到囉。

到拍攝當日，講真我地都係第一次做model，所以之前都非常擔心當日唔知點算，好在攝影師同助手不斷教我地點擺pose，點去笑，有時知道我地笑到累，笑到好假，就即刻講d野引我地笑，令我地盡量去放鬆影輯相。

當中發生一件事，呢件事我完全覺得攝影師係非常專業，就係我地日景最後一站在山頂，但完全冇諗過要影黃昏。但攝影師就非常強烈建議我地去影，咁我地就去影啦，帶路過程佢係行得非常快，行得好急，遠遠拋離我地，仲叫我地行快d，強調過左時間就咩都冇!!果刻佢真係比我地仲緊張呢一個景，專業程度絕對抵讚!!

真係好多謝Fei Wedding俾到我地一個咁美好的回憶同體驗，我同女朋友都非常滿意輯相。

(感謝 Ling & Bosco 與我們分享動人的婚照)

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk