Alice & Harold (香港 婚紗攝影．June 2012)

六月八號係我同未來老婆影結婚相既日子, 首先要係度多謝FEI既老細攝影師親自操刀,仲有助理阿基同化粧KITTY係嗰日辛辛苦苦咁幫手影左輯靚相~

諗返初初決定揀用邊間影結婚相時, 真係諗到頭都大哂, 因為網上邊實在太多資訊,已經分唔到誰是誰非…行婚紗展,又會有好多攝影公司揀,唔知邊間係好邊間係壞,有啲公司雖然係好平,但原來要買相,所以變相貴左,係楝FEI前,其實自己都楝左另一間諗住平平地影一輯當 “預演”,而呢間公司就係要買相… 所以其實之後揀咗FEI都覺得好好彩,當時係婚展行過FEI既攤位,咁啱未來老婆諗起佢哥哥用呢間話幾好,咁就揀左FEI作為正式影婚紗相既公司~

其實我地本身係諗住六月十七號影相,但因為有啲事,所以改左八號影,但錯有錯著,好彩係八號影,如果十七號影肯定會影唔到(因為十七號好大雨,天氣好差)。八號當日,天氣非常之咁好(因為打風前夕所以平靜啲呱),記得第一站係去石澳,去到石澳,連攝影師都話前一日影天氣都冇咁靚,嗰日係佢嚟咁多次最靚既一次,我地真係好好彩,所以石澳嗰度,影既時間比其他地方都耐啲,最難忘係坐係條橋上面影相,因為自己畏高,所以好鬼驚。

第二站去左摩星嶺,因為初初諗住係嗰道影日落,可惜嗰個時候有雲,所以影唔到…第三站中環影夜景,其實係鬧市中影婚紗相,感覺好特別,因為好記得,落車後去咗電車站影,嗰度好多人,當擺POSE時(當時要名模上身先得)好多人都會望住你,對於好少影相既我同未來老婆來講,個感覺真係幾難以形容…

影完後即日返去交衫嗰陣,我地兩個已經散哂,但之後揀相時睇返啲相,覺得當日辛苦都值得既,因為影得好靚,不過美中不足既就係影唔到日落…

最後,係到再一次多謝攝影師,阿基同KITTY,另外都多謝埋其他有幫手既工作人員同職員,尤其係YUNICE,辛苦咁多位~

(感謝  Alice & Harold  與我們分享美麗的婚照)

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk