Shan & Lok (麗江 婚紗攝影．February 2012)

每對新人都希望可以影到一輯靚靚既結婚相到大日子當日比每位蒞臨既嘉賓觀賞，亦可以係將來既日子拎出黎睇番自己當日最靚、最動人既一刻，這統統都係一段又一段美麗既回憶。

記得起初我都係好似大多數人咁諗住計劃去日本影呢輯結婚相，但點知就發生左日本大地震再加上工作上未能配合假期既關係，曾經為呢件事上面煩惱過….後來經朋友既介紹得知雲南/麗江呢個地方，再加上睇到好多麗江既作品同聽埋”菲‧攝影”職員的細心講解後(真係好詳細:就算連生活上唔會留意既事情佢地都會提醒我地)，所以對當地既認識亦增加了不少，最後決定當然就係揀”菲‧攝影”目的地雲南/麗江。

到試衫方面，由於我地都未去過呢個地方同無諗過自己點樣著禮服或者婚紗先襯到，結果揀左好耐好耐:揀完又試、試完再睇、但都係得個揀字^^”

可能我地有決定困難病掛….搞到靚女職員要出盡腦汁先幫到我地揀晒所有婚紗同晚裝，仲好有心機…咁比意見我地點襯d頭飾、頸鏈、花球等等，真係麻煩晒靚女職員^^”

到達麗江既第一日都已經係晚上7點幾啦，之後就見到攝影師、助手、化妝師，初次見面既感覺佢地好有善仲不斷問我地有無咩特別既想影或者想d咩感覺出黎等等，對影相一d都唔在行既我當係一頭霧水啦，結果當然係將決定交由十分尊業的攝影師負責啦^^”

第一天的拍攝十分順利，因為當日既天氣出奇地好….雪山上面風不算大亦無落雪，仲有好大個太陽照射住，所以就算連有豐富拍攝經驗既攝影師都話好難得有咁好既天氣拍攝，因為係雪山上面既天氣真係變幻莫測，可能下一分鐘已經會係落緊雪…..

最後係三位不斷支持既情況下我地足足係雪山上面影左接近兩個鐘頭^^”當然亦都不得不多謝助理同化妝師既貼身照顧與提醒，再加上落山既時候攝影師送上一杯暖笠笠薑茶，真係再辛苦都值得呀^^”

第二天既拍攝明顯比第一日自然得多，我地雙方既配合都已經取得默契，好多時一埋位就可以自動自覺擺出姿勢，但係十分尊業既攝影師此終對於拍攝有一定既要求，非常細微既擺動佢都會叫你影過，甚至有時要求你做到佢心目中既動作為止，但就係憑著呢份堅持每當影完一個境既時候阿凱都會比番我地睇下影出黎既效果，的確令我不得不佩服攝影師既呢份執著，就反映出佢有幾認真。

總括成個拍攝過程加事前功夫，”菲‧攝影”既每位職員都能夠表現出咩係敬業，我相信假如無攝影隊既支持、幫助加上無限既鼓勵，呢一次既拍攝一定無可能會順利完成。

到拍攝完畢之後既果晚我地仲想邀請佢地一齊去食餐飯，因為我知道佢地一定仲辛苦過我地多多聲，如果你無試過拎下助手成日去到邊都揹住既果個袋，一定唔會知道果袋有幾重…..仲要每一次都好主動咁過黎幫我拎其他野，簡直瞻前顧後。

而拍攝得以順利進行香港既職員亦都功不可沒，不斷既提醒同講解，亦都令到我對於呢一次決定選擇”菲‧攝影”係完全正確，係度真係好想再一次多謝菲‧攝影係香港與及麗江曾經幫助過我地既每一位人員:Thanks for everybody,All is the best!!!

(感謝  Shan & Lok  與我們分享美麗的婚照)

更多麗江作品請往：http://feiwedding.com/fei-gallery/LiJiang

Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk