Ki & Hin (麗江 婚紗攝影．April 2011)
昨天終於睇左相喇, D相真係影得唔錯, 好想同大家分享下~ 我係4月頭跟Fei去麗江影既, 選麗江既原因係因為睇過人地d相, 覺得影玉龍雪山同雲杉坪真係好靚好特別, 風景比起其它地方真係宏偉壯觀得多, 而比較過一兩間都係影雲南既公司, Fei的拍攝技巧比較迎合到我同男朋友既口味, 仲有, 最緊要係d製成品好似相簿同相架款式真係靚好多!
講返行程先, 回想番今次的麗江之旅, 真的很感恩! 因為兩日拍攝的天氣也非常之好, 陽光充沛, 連攝影師都話我地幸運, 哈哈。
今次幫我拍攝的攝影師, 助手, 化妝師。 他們都好年青, 好有活力! 先講攝影師, 他看上去很細個, 但大家放心, 雖然他很年輕, 但他拍攝時絕對很認真而且專業, 他對拍攝既要求非常之高, 好似擺Pose咁, 佢係會教到你擺出合佢意既pose為止, 其實都幾累ga, haha~ 如果他拍完相片之後覺得唔滿意, 他會即時DELETED, 所以留得比客人擇既相都係佢滿意既作品。 每拍完一個景點之後, 他亦都會比我地睇相, 佢話如果如D乜野唔滿意, 可以即時同佢講。而助手都好幫得手, 全程佢都要拎住又重又大舊的拍攝器材行黎行去, 真係辛苦晒佢!
至於化妝師也都好好, 雖然有點髮型設計未必做到我心目中的效果, 但也不得不讚她細心, 因為自己不太適應麗江的既猛烈陽光, 加上又要用反光板來拍攝, 我隻眼睛真係好辛苦呀, 拍左一日隻眼已經紅晒, 係夜晚更加有一段時間睜開唔到眼睛, 化妝師見我咁, 即刻介紹左支眼藥水比我地,叫我男友即刻去買比我滴, 佢化妝時又幫我就住黎化, 費事我隻眼既情況再差落去, 咁先唔會影響到第二日拍攝咋, 好在有佢! 最唔話得既係o係雪山拍攝時超大風, 化妝師見大風時就會立即跑過黎攬住我, 幫我擋雪, 其實打中都幾痛ga! 呢一份細心已經足夠比滿分佢!
呢次拍攝之旅, 絕對唔可以話係輕鬆, 因為上雪山又凍又大風又刺眼,而且又要擺POSE, 真的很吃力呀! 不過到現在回想起來, 回憶是很難忘及開心架! 麗江真的一個很美的地方, 拍出來的相片真的很美, 景點變化又大, 絕得推薦大家去麗江拍婚照! 總括黎講我同男朋友都很滿意, 不枉我地一共用左6小時黎擇相呀, 連LUNCH都無食, 見到D靚相之後就肚餓都唔記得了。
Fei 全程既服務也很好, 無論選衫, 訂機票, 客棧等也提供意見給我們。但有一點可以改善的是除了入相簿d相, 比你既相底只會給你原相, 不會有調過色的(但Fei 給你選的相卻是已調好色), 如果你要調色的相底需另加$1500 ! 橫掂Fei本身已經有調好色的files, 免費給客人不是會令客人更加開心滿意嗎?
(感謝 Ki & Hin 與我們分享美麗的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
