Sharon & George (麗江 婚紗攝影．March 2011)
第一次去婚紗展果陣無諗過去邊到影，入去行行下俾feiwedding 吸引住，因為發現原來可以去雲南影婚紗相，雲南呢個地方對我地2個有特別既意義，我地好快就決定左婚紗相地點，之後我地都search 過有無其他公司可以係雲南影相，但係feiwedding 既好處係可以係香港揀衫，同埋間公司口碑唔錯，所以最後諗左一大餐都係決定join feiwedding。我地結果再另外加多個麗江夜景拍攝，都幾唔錯。
我地揀左3月尾去雲南影，一心想影靚靚雪山同油菜花田，點知遇上壞天氣，攝影師，化妝師話之前果一、兩個禮拜已經天氣差，D人上到雪山都影唔到，要落番黎，但通常差左咁耐之後就會好好天，點知我地去到之後天氣仲係麻麻地，swap 左行程去影左古城、拉市海果d先，諗住第二日先上雪山，點知天氣都係麻麻，攝影師同化妝師因為之後隔4日先到下一對，所以好好人咁每朝晨早起身幫我set 頭、化妝、陪我地等天光睇天氣，由於天氣一直都係好麻麻(中間有一日仲落雨tim)，行程一直delay，好彩我地今次住果間客棧都幾好，有WIFI，可以打發下d時間，我結果煲左一套劇XD。
等左2日，雖然第4日天氣都麻麻，但叫做無落雨，由於由果日12:00起雲杉枰會封，之後會影唔到雲杉枰，因為電視天氣預報話要過多1個禮拜先會完全好天，我地怕之後果日天氣未必好，所以幾經考慮後，我地決定果日上山影。我地上左雲杉枰先，估唔到有意外收獲，我地以前去過雲杉枰，但第一次見雲杉枰積雪，連攝影師同化妝師都話第一次見，好靚，而且藍色條裙係雪地既效果幾好，錯有錯著，係雲杉枰d相其實好過雪山果d，因為雪山我地係夾硬上，上面大風又好凍，根本笑唔出，好彩每影完一張相化妝師立即幫我披外套，連我咁唔怕凍既人都凍到嘴唇變紫，遊客都為我加油，哈哈！
由於係麗江呆等左好多日，導致之後唔夠時間去瀘沽湖，所以我地一影完相就番客棧乾脆將機票改做第二日番香港，到第二日我地離開果陣，天氣好到不得了，成個天好藍，激死我la…不過無得計既，如果唔係之前果日上去又影唔到咁特別既雲杉枰。
成個trip辛苦晒攝影師、化妝師同助手，同埋HK fei wedding既幫忙，雖然影唔到心目中既雪山，但整體都好滿意，我最後影左有成400張相，最開心既係可以拎番所有相，自己想點執就點執，又唔駛揀相揀到頭爆。
(感謝 Sharon & George 與我們分享美麗的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
