Monica & Steven (麗江 婚紗攝影．March 2011)
在搵婚紗相資料時,hk影又要成萬幾蚊先得個廿零三十張相, 自己又唔想係去台灣影, 因為身邊好多朋友都係係台灣影, 一開頭係唸住不如去上海影, 於是上網搵, 冇意中係網上禁到 Fei Wedding個網, 睇佢地係雲南影D相真係好靚, 有雪山, 有一片黃色油菜花, 又可以坐大樹影…..D景真係好豐富, 我一睇就已經勁中意, 於是便去門市查詢, 萬七蚊影2日,成5套衫, 去晒甘多景, 影左幾多張就比返幾多張相我(最少二三百張) , 又可以自己帶相機影花絮; 計落同我係hk問過d出名婚紛公司比, hk影1日, 2套衫, 要成8-9千蚊得20-25張相可取, 之後又sales每張百三蚊, d相框, 同好d相薄好d要加錢,計到埋單都要萬幾五蚊.又唔可以帶自己相機影. 所以最揀左fei wedding去云南影, 我係今年三月影的, 因為三月d影係最靚, 係旺季, 好多人影, 我都提前左年半先可以book到三月份去影.
因為攝影, 同化妝師都係內地人, 自己一直都好怕個妝同d相會好大陸feel, 門市sales同我講唔使擔心,佢地個個都訓練過, 個個跟得上hk潮流ga, 你影之前睇下d雜誌要咩妝, 要set 咩頭, 比化妝師睇下, 佢9成做到, 我當時都係半信半疑.
當我到影相前一日去到云南個晚同化妝師, 攝影師會面時, 一見到佢兩個, “口下”~~佢2個個樣甘細個ge, 得唔得ga, 跟住我比d我想要ge妝比化妝師睇, 佢全部都話”沒問題” 可以做到張相9成. 攝影師問我想要咩影法, 我比相佢睇, 再講比佢聽我想點, 佢都係話”沒問題”. 其實個刻我真係唔知信唔信佢地, 但係都冇辦法, 到左聽日影就知係咪真係”沒問題”
到左第二日化妝師一早黎同我化妝, 化完妝, 佢問我想要邊個髮, 再比佢睇一睇, 佢唔使10分中就幫我set好左, Wowww..真係9成相同ar~~~ 跟住就出發影屋頂景, 原來真係好多人影婚紗相ga~影屋頂景都有成3-4對新人影~攝影師會先影左2張比我睇下得唔得, 原來佢兩個真係”沒問題” , 真係人不可以貌相ga~~
之後就去左快束河古城; 黑龍譚公園, 呢個公園真係好靚ga, 有得坐大樹影, 不過都好驚, 好驚向後反跌落河度, 又有好靚粉紅色ge花, 我唔知咩花, 影出黎好似櫻花ga~~ 跟住去拉市海影日落, 係途會經過油菜花田, 攝影師又帶左我地影埋梨花影, 攝影師佢揀ge景同角度真係好特別, 竟然比佢搵到個生成拱形ge梨花景.影完拉市海,就食晚餐影埋夜景, 到左景夜景個陣我真係冇晒精神同力量啦, 夜晚又凍, 第一日終於完成, 由早上6:00到夜晚11:00.
第二日去一早左玉龍雪山, 我知道係勁凍, 我好醒目ar, 入面先著絲襪褲, 再著羊毛襪褲, 再加對長boot, 條腰貼滿暖貼出面長婚紗都睇唔到啦~ 好在我甘著先至可以係雪山捱到甘耐, 仲可以跑, 但係一定要買幾支氧氣上去.如果唔係未上到雪山都缺氧啦~ 最後就影埋牛坪同埋白水河.
成個過程都好開心, 化妝師同攝影師都好就得我地, 平時又會講笑,但當拍攝時攝影師就會好認真, 個樣好嚴肅, 每去到一個景點, 攝影師都會 好似孫悟空甘第一時間跑去睇下咩角度影, 而化妝師又會每一步都跟住我, 呢2日辛苦都係值得!!!
(感謝 Monica & Steven 與我們分享美麗的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
