Candy & Alfred (麗江 婚紗攝影．March 2011)
我同我未婚妻原本想去法國 / 日本影婚紗相，所以去左幾次婚紗展研究一下市場上有乜攝影公司合適。一般當然會係大果d公司先有法國日本呢d package la，價格分別係3萬幾同2萬幾。當時我地見到其他公司去麗江都係萬幾，但冇乜心郁，因為未細心研究，未知麗江可以咁靚。因為時間鬆動，未0係婚紗展作決定。
跟住我地逛逛旺角始創，見到 Fei Wedding舖頭好似唔錯，行入去研究下。阿Kate好耐心咁為我地介紹麗江 / 九寨溝，當時 Fei Wedding未完全開拓其他線。我未婚妻好鍾意d雪山景，bla bla bla，價錢又competitive，所以就決定用 Fei Wedding影婚紗相。
職員同我地推薦3月至4月去麗江影雪山o係最好o既，不過叫我地有心理準備，會好凍。為左影到最靚o既野，我地當然決定左3月影啦。
由前置準備功夫講起，Hami一樣係好耐心跟進，因為我地d私伙道具比較多，我地要求早少少同攝影師佢地聯絡，過程都好順利。
攝影師方面，其實我地係上網睇到一套我地比較鍾意o既 reference，然後指定左攝影師，我地亦因為佢而改左期。事後先知原來佢係其中一位紅牌阿姑，真係人如其名，出黎o既作品我地都好滿意。一般化妝師會跟住特定攝影師，而幫我化妝既化妝師就係阿攝影師特定既化妝師。化妝師佢係就係慢熱少少，但出黎o既效果我未婚妻都非常滿意，話佢功力十足。
服裝方面，我認為絕對有改進空間。女仕晚裝，發現揀黎揀去都係果幾套，上網睇得多幾個 reference 就會發覺。即係話，揀得落手o既冇幾多套。之於男裝，仲過分，佢提供o既，我一件都冇帶去，我自問中等身材，全場最細果件竟然都著到hip hop咁。我自己花左 $2000+ 去揀自己認為好睇d 既。
再講講攝影過程，第一日去左雪山，天公造美，個天好藍，不過都仍然係好凍。佢地話咁好天已經比平時暖架啦，真係想像唔到陰天會凍成點。之前再去再6個景點，詳細唔多講，總之影兩日 pre wedding o既辛苦，你地自己試過先知驚，講唔出o既。
之後到揀相，執相，揀相簿，相框，我地都有加錢 join package，價錢有d item合理o既，有d唔合理o既，唯有自己衡量要d乜。而家仲等緊成品出黎，都好心急，暫時分享住兩張會曬大o既比大家睇。
呢個係我比 Fei Wedding o既分數，總括呢講，我會想推薦比大家。
5 x 好 =最好
風景：好好好好好
攝影手法：好好好好
服裝：好好
化妝：好好好好
整體安排：好好好好
價錢：好好好
成品(相簿相框)個人化可塑性：好
(感謝 Candy & Alfred 與我們分享美麗的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
