Nicole & Ken (麗江 婚紗攝影．December 2010)
五年前已經心郁郁去四川影婚紗相, 好恨响雪山影婚紗相, 懶懶閒之後又四川地震就不了了之. 終於我既老死(女仔)要影婚紗相喇, 仲要話去雲南上雪山影, 我就諗都唔駛諗話要同埋佢地一齊去. 由於自己當時不在香港, 所有事前安排都由她一手包辦, 一向精打細算既佢選擇咗Fei Wedding.
拍攝前兩個月終於返到香港, 非常期待快d可以上雪山影相. 因為我地係兩pair一齊去, 連試衫都要約埋一齊, 其實照顧我地唔單只係雙倍時間同心機耐性, 兩個女人加埋既威力係幾何級數, Gloria同Hami都非常專業同有耐性咁解答我地既問題, 有新消息又勁快通知我地. 上去Fei Wedding試衫時, 連改衫師傅都比埋一份意見, 佢地真係非常細心+專業+有耐性, 知道咩款適合我地(我地已經中年發福, 仲天真地揀埋d少女款, 因為見倒其他客人d靚相), 等我地可以慳番d時間, 雖然最後都係試到唔願走, 佢地都一路協助我地揀到我地滿意為止.
終於出發!! 之前有少少擔心國內既工作人員同香港的服務水平會有d唔同, 第一日同佢地溝通拍攝風格同了解我地既要求, 過程比我既感覺非常務實, 佢地冇吹噓之前既戰績, 只係實實在在咁根據我地外型同談吐(估倒我地大致既性格)去話比我地聽佢地會點影同點化我個妝. 我就十萬個放心將我地完全交比佢地發揮. 我同我老公都冇乜頭緒想點影, 我就連化妝同髮型都唔知想點, 凈係話要型d, 自然d同靚d(講咗=冇講, 乜有人會有相反既要求?!) 黃昏收倒個長途電話, 原來Hami擔心攝影師既嚴肅會嚇親我地(因為佢係一個攞過攝影獎既藝術家,唔知會唔會有藝術家疲氣), 其實攝影師都好幽默.
正式拍攝, 好興奮但自己又好呆滯, 因為好早起身又好凍. 化妝師幫我扮靚, 佢化既眼妝可以講係無敵, 對眼當堂精靈晒! 我同我老公呢pair中年人士, 原全唔識擺post, 攝影師就逐part叫我地既四支移動(對看, 背靠, 眼睛閉起, 伸脖子…), 我地就完全聽佢既指揮, 之後响佢部相機睇番d相, 非常靚, 好自然, 真係冇晒雙下巴. 景都唔駛講, 勁得! 除咗拍攝專業, 攝影師,化妝師同助理都好關心我地, 怕我地唔習慣高原地理, 一見我呆滯就問我係咪唔舒服, 需唔需要休息. 整個拍攝過程好開心, 佢地一班後生仔(最老餅係我地)好照顧我地, 又識攪氣氛!
返到香港, 攝影師既作品好快就出爐, 效率好高. 我唔知點型容我既開心同滿意程度, 我老公就話: ‘好玩, 好靚, 想影多一次’, 嗯, 今次我發喇! 雖然d相未’ 執’, 我真係覺得好靚, 玉龍雪山真係好震撼. 再一次多謝Fei Wedding中港團隊比一個咁開心既回憶我地!
(感謝 Nicole & Ken 與我們分享美麗的婚照)
更多麗江作品請往：http://feiwedding.com/fei-gallery/LiJiang
Fei Wedding Photography 菲．攝影
www.feiwedding.com
facebook 專頁 www.facebook.com/feiweddinghk
